საქართველოს მეხუთე პრეზიდენტმა სალომე ზურაბიშვილმა Facebook Live-ში მოუწოდა მოქალაქეებს, 26 მაისს რუსთაველის გამზირზე გამოვიდნენ.

„26 მაისს ძალიან ბევრი ხალხი უნდა გამოვიდეს. არ შეიძლება რუსთაველი დავთმოთ,” — განაცხადა ზურაბიშვილმა.

მისი თქმით, 26 მაისი, 31 მარტი და 9 აპრილი ერთნაირი მნიშვნელობის თარიღებია: „როდესაც რუსული რეჟიმის ხელში ვართ, ამ თარიღებზე გამოუსვლელობა შეუძლებელია.”

ზურაბიშვილმა განაცხადა, რომ თავად ჩვეულებრივ გამოვა რუსთაველზე: „ჩემთვის მნიშვნელოვანია, რომ რუსთაველზე ჩამოვიარო — ყოველ წელს ვდიოდი, ხალხთან ფოტოებს ვიღებდი.”

„ყველასთვის მნიშვნელოვანია, რომ 26 მაისი გახდეს ჩვენ ყველა ერთად ნათქვამი სიტყვა — რომ ჩვენ დამოუკიდებლობასა და თავისუფლებას ვიცავთ და ვიცავთ მუდამ,” — დასძინა მეხუთე პრეზიდენტმა.