ბუნდესლიგის ოფიციალურმა გვერდმა ბოლო ტურის წინ ინტერვიუ ჩაწერა „ჰაიდენჰაიმის” ქართველ ფორვარდ ბუდუ ზივზივაძესთან — გუნდს გავარდნის თავიდან აცილებისთვის „მაინცთან” განმსაზღვრელი მატჩი ელის.

გუნდის სიტუაციაზე: „კვირიდან კვირამდე ფოკუსირებულები ვართ თამაშებსა და მოგებაზე — სწორედ ამიტომ ვფიქრობ, რომ გვაქვს შანსი, ბუნდესლიგაში დავრჩეთ. ჩემს მოსვლამდეც ცხადი იყო, რომ ეს გუნდი არასდროს ნებდება. ვფიქრობ, ეს მათგან ვისწავლე. ჩემს წინა გუნდებში ასეთი მენტალიტეტი არასდროს მინახავს.”

„ბაიერნთან” 3:3-ზე: „ეს წარმოუდგენელი იყო. ბავშვობაში ვოცნებობდი დიდი გუნდების წინააღმდეგ თამაშზე, მაგრამ არასდროს მიფიქრია, რომ „ალიანც არენაზე” ორ გოლს გავიტანდი. მთელი ჩემი ოჯახი სტადიონზე იყო — საქართველოდან ჩამოფრინდნენ. ეს წარმოუდგენელი გრძნობა იყო.”

„მაინცთან” მატჩზე: „„მაინცი” კარგი გუნდია. ადვილი არ იქნება, მაგრამ ჩვენ ოდნავ მეტი შანსი გვაქვს — ჩვენი გულშემატკივრების წინაშე ვთამაშობთ. ისინი არასდროს ნებდებიან. გიჟური შაბათი გველოდება. ყველაფერს გავაკეთებ ამ კლუბისთვის, რადგან ის იმსახურებს მთავარ დივიზიონში ყოფნას.”

ზივზივაძემ ასევე განაცხადა, რომ ეროვნული ნაკრებისთვის ევრო 2024-ის სასარგებლო მატჩი მის ყველაზე მნიშვნელოვან შეხვედრად დარჩება — სანამ „ჰაიდენჰაიმის” ყველაზე განმსაზღვრელი შაბათი ამ ადგილს არ დაიკავებს.