უკრაინის პრეზიდენტმა ვოლოდიმირ ზელენსკიმ პუტინის პასუხი „სუსტად” შეაფასა და განაცხადა, რომ „რუსეთს ნაკლები ფული უნდა ჰქონდეს”.

„სამწუხაროდ, რუსეთის მხარე კვლავ ომს ირჩევს. ყველამ მოისმინა დღევანდელი პასუხი — სუსტი პასუხი. მას უბრალოდ არ სურს ომის დასრულება. ვფიქრობ, მსოფლიოში ბევრი იმედგაცრუებული დარჩა. მას არაფრის შეცვლა არ სურს და უარს ამბობს იმის აღიარებაზე, რომ მხოლოდ თავისი ომი მოსწონთ — მას და იმათ, ვინც ამით ფულს შოულობს. დღეს ისინი ყველა ღიმილის ხასიათზე იყვნენ. ეს ნიშნავს, რომ რუსეთზე ზეწოლა უნდა გაიზარდოს,” — განაცხადა ზელენსკიმ.

პუტინმა სანქტ-პეტერბურგის საერთაშორისო ეკონომიკურ ფორუმზე ზელენსკის ღია წერილს „თვალი გადაავლო” და განაცხადა, რომ შეხვედრის „აზრს ვერ ხედავს” — ჯერ „გამოსავალი უნდა მოიძებნოს”. ამასთან, კვლავ მოუწოდა „მეომრებს”: „განაგრძეთ მუშაობა, ძმებო.”

გუშინ ზელენსკიმ პუტინისადმი ღია წერილი გამოაქვეყნა, სადაც ნეიტრალურ ქვეყნებში პირდაპირი შეხვედრის გამართვის წინადადებით გამოვიდა. უკრაინა მოლაპარაკებებისას სრული ცეცხლის შეწყვეტისა და სამხედრო ტყვეების „ყველა ყველაზე” პრინციპით გაცვლისთვის მზადყოფნა გამოხატა. ზელენსკიმ მოითხოვა, რომ დიპლომატიის ამოსავალ წერტილად ფრონტის ხაზი დარჩეს.