„რუსეთმა დაიწყო ეს ომი. რატომ არ უნდა გამოვიყენოთ რუსული ფული?” — ეს სიტყვები ეკუთვნის უკრაინის პრეზიდენტ ვოლოდიმირ ზელენსკის, რომელმაც The Guardian-თან ინტერვიუში ბრიტანეთის პრემიერ კირ სტარმერთან გათანხმებული საკითხი გაახმოვანა. საუბარია რომან აბრამოვიჩის მიერ საფეხბურთო კლუბ „ჩელსის” გაყიდვიდან მიღებულ 2.4 მილიარდ ფუნტ სტერლინგზე.

ზელენსკის პოზიციით, ეს თანხა უკრაინის საჰაერო თავდაცვის სისტემების შეძენაზე უნდა გაიხარჯოს. კონკრეტულად — შეერთებული შტატებიდან დამატებითი სარაკეტო და საჰაერო თავდაცვის სისტემები უნდა შეიძინოს, რომლებიც, მისი სიტყვებით, „ძალიან ძვირია”.

„პრემიერმინისტრმა მითხრა, რომ ყველაფერს აკეთებს, რაც შეუძლია. ვიცი, რომ ჩვენი დიპლომატიური გუნდები ამ საკითხზე მუშაობენ,” — განაცხადა ზელენსკიმ, და ამასთანავე იხუმრა: „მას ეს ფული არ ჩამოუტანია. მე ვუთხარი: ჩვენ თქვენი ფული გვჭირდება.”

ბრიტანეთის მთავრობა ამ თანხის ჰუმანიტარული საჭიროებებისთვის გამოყოფას გეგმავდა. ზელენსკი სამხედრო პრიორიტეტს ამჯობინებს — განსაკუთრებით სჭირდება რესურსი სამხედრო პერსონალის პროფესიულ კონტრაქტებზე გადასაყვანად, რათა ეტაპობრივად შემცირდეს სავალდებულო გაწვევაზე დამოკიდებულება.

ზელენსკიმ ასევე ხაზი გაუსვა, რომ ახლახანს რომან აბრამოვიჩს შეხვდა და მისი მეშვეობით პუტინს შეხვედრის გამართვის სურვილი გამოუცხადა. 4 ივნისს ზელენსკიმ ღია წერილით პუტინს ომის დასრულებისთვის პირადი შეხვედრა შესთავაზა, თუმცა 5 ივნისს პუტინმა ასეთ შეხვედრაში სმყოფელობა ვერ დაინახა.