7 ივნისს ლონდონში ვოლოდიმირ ზელენსკი ბრიტანეთის პრემიერ-მინისტრ კი სთარმერს შეხვდა. The Guardian-თან ინტერვიუში ზელენსკიმ განაცხადა, რომ შეხვედრაზე განიხილეს „ჩელსის” გაყიდვით მიღებული 2.4 მილიარდი გირვანქა სტერლინგის ბედი — კერძოდ, ეს სახსრები შეიძლება მოხმარდეს უკრაინის საჰაერო თავდაცვას. ზელენსკის თქმით, ეს „რთული მომენტია”, სთარმერმა კი განაცხადა, რომ ყველა ძალისხმევას მიმართავს.

2022 წელს, რუსეთის სრულმასშტაბიანი შეჭრის შემდეგ, დიდი ბრიტანეთმა სანქციები დაუწესა რომან აბრამოვიჩს პრეზიდენტ პუტინთან კავშირის გამო. ამასთანავე, მთავრობამ მას „ჩელსის” გაყიდვის უფლება მისცა — პირობით, რომ მიღებული თანხა გამოყენებული უნდა ყოფილიყო უკრაინაში ომით დაზარალებულთა დასახმარებლად.

2.4 მილიარდი გირვანქა სტერლინგი სპეციალურ, გაყინულ საბანკო ანგარიშზე განთავდა. თუმცა საკითხი იურიდიული დავის საგნად რჩება: აბრამოვიჩმა უარი განაცხადა შესაბამისი დოკუმენტის ხელმოწერაზე და სანაცვლოდ მოითხოვა სხვა გაყინული აქტივების გათავისუფლება.