უკრაინის პრეზიდენტმა ვოლოდიმირ ზელენსკიმ 21 ივნისს ინტერვიუში განაცხადა, რომ აშშ-ს პრეზიდენტი დონალდ ტრამპი აპირებს, იარაღის მწარმოებელ ამერიკულ კომპანიებს სთხოვოს, რომ უკრაინასა და ევროპაში ლიცენზიით საჰაერო თავდაცვის რაკეტების წარმოება დაიწყონ.

“პრეზიდენტი ტრამპი გეგმავს, თავდაცვის ამერიკულ კომპანიებს სთხოვოს, რომ ლიცენზიით ევროპასა და უკრაინაში საჰაერო თავდაცვის სისტემებისთვის რაკეტების წარმოება დაიწყონ.” – აღნიშნა მან.

მანამდე ეს საკითხი კიევმა და მისმა მოკავშირეებმა დიდი შვიდეული სამიტზე განიხილეს, რათა უკრაინამ ლიცენზიით დასავლური იარაღის წარმოება შეძლოს.

მოგვიანებით G7-ის ლიდერებმა ერთობლივ განცხადებაში თქვეს, რომ ქვეყნები “მზად არიან, განიხილონ უკრაინის სასარგებლოდ ლიცენზიები გააფართოონ, რათა შესაძლებელი გახდეს უკრაინის სამხედრო წარმოების გაზრდა.”

“ამჯერად საკმაოდ საჯარო გახდა ის, რომ ამერიკული მხარე, პირველად, პოზიტიურად შეხვდა ლიცენზიების იდეას.” – დაამატა უკრაინის პრეზიდენტმა.

მისივე თქმით, G7-ის ბოლო სამიტი პირველი შეხვედრა იყო, სადაც ყველა წევრმა უკრაინას ერთხმად დაუჭირა მხარი.

“სამიტის განმავლობაში G7-ის ყველა წევრმა იცოდა მოსკოვის ოლქში ჩვენი ოპერაციის შესახებ, ნანახი ჰქონდათ შედეგები და მხარს უჭერდნენ უკრაინის სრულად გამართლებულ და შესაფერის პასუხებს.” – თქვა ზელენსკიმ ინტერვიუში.