უკრაინის პრეზიდენტმა ვოლოდიმირ ზელენსკიმ 29 მაისის საღამოს მიმართვაში განაცხადა, რომ ქვეყნის სადაზვერვო სამსახურებს რუსეთის მხრიდან ახალი მასშტაბური შეტევის მომზადების ინფორმაცია მიუღიათ.

„გთხოვთ, ყურადღება მიაქციეთ საჰაერო განგაშებს — გაუფრთხილდით თქვენს სიცოცხლეს. ჩვენი ოპერატიული სამსახურები მზადყოფნაშია,” — განაცხადა ზელენსკიმ.

საჰაერო თავდაცვის გაძლიერება კიევისთვის პრიორიტეტად რჩება. ზელენსკიმ განაცხადა, რომ უკრაინა ევროპელი პარტნიორების სახსრებს რაკეტების შეძენისთვის იყენებს, თუმცა სათანადო მოცულობის შეიარაღება მნიშვნელოვნად დამოკიდებულია ამერიკული დახმარების გაგრძელებაზე. ზელენსკი ადრე აცხადებდა, რომ ამ მიზნით წერილი გაუგზავნა პრეზიდენტ ტრამპს.

24 მაისის ღამეს რუსეთმა კიევზე მასშტაბური სარაკეტო დარტყმა მიიტანა — ეს პასუხი იყო ლუგანსკის ოკუპირებულ ნაწილში, სტარობელსკში, კოლეჯსა და საერთო საცხოვრებელზე განხორციელებულ უკრაინულ შეტევაზე. მოსკოვმა განაცხადა, რომ კვლავ განახორციელებს დარტყმებს უკრაინის „გადაწყვეტილებების მიღების ცენტრებზე”.

24 მაისის შეტევამდეც ზელენსკი სადაზვერვო მონაცემებზე დაყრდნობით გამოდიოდა მსგავსი გაფრთხილებებით.