ზაპოროჟიეს ატომური ელექტროსადგურის (აეს) მიდამოებში 5 ივნისიდან ლოკალური ცეცხლის შეწყვეტის რეჟიმი ამოქმედდა. ატომური ენერგიის საერთაშორისო სააგენტო (IAEA) შუამავლობდა ორივე მხარის — რუსეთისა და უკრაინის — სამხედრო ქმედებების შეჩერებაში, რათა 750-კილოვოლტიანი ელექტროგადამცემი ხაზის „დნეპროპეტროვსკაია” შეკეთება გახდეს შესაძლებელი.

ხაზი ომის შედეგად ორი თვის წინ გათიშეს. ამ დრომ გამო ევროპის უდიდეს ატომურ ელექტროსადგურს ელენერგია მხოლოდ ერთადერთი 330-კილოვოლტიანი ხაზიდან მიეწოდება. IAEA-ს მიხედვით, ბოლო კვირებში სადგური ამ ხაზზე წვდომას რამდენჯერმე კარგავდა, რის გამოც საავარიო დიზელის გენერატორები ირთვებოდა.

„IAEA-ს ექსპერტების ზედამხედველობით, ორივე მხარის სპეციალისტები ახლო დღეებში დაიწყებენ ომის შედეგად დაზიანებული ხაზის შეკეთებას, სათანადო განაღმვითი სამუშაოების შემდეგ” — ნათქვამია IAEA-ს განცხადებაში.

„როსატომის” ხელმძღვანელ ალექსეი ლიხაჩოვის განცხადებით, ზავი 23 ივნისამდეა დაგეგმილი. მოლაპარაკებები „დელიკატური და რთული” იყო, მარტის ბოლოდან გრძელდებოდა, მაგრამ ორივე მხარე „კონსტრუქციულად” თანამშრომლობდა. ეს ცეცხლის დროებითი შეწყვეტის მეექვსე შემთხვევაა 2025 წლის შემდეგ. ზაპოროჟიეს ატომური ელექტროსადგური 2022 წლის მარტიდან რუსეთის კონტროლს ექვემდებარება.