პეტერბურგის ეკონომიკური ფორუმის პრესკონფერენციაზე მარია ზახაროვამ კომენტარი გააკეთა გულბაათ რცხილაძის დაკავებაზე, რომელიც სახელმწიფო უსაფრთხოების სამსახურმა 30 მაისს ჯაშუშობის ბრალდებით შეიპყრო.

„მითხრეს, რომ მას ძალიან კარგად იცნობენ. მრავალი წლის განმავლობაში ის საჯაროდ, გულწრფელად, დაუმალავად გამოდიოდა საქართველოსა და რუსეთს შორის ურთიერთობების ნორმალიზების მხარდასაჭერად. ბევრი გააკეთა ჩვენი ხალხების დაახლოებისთვის,” — განაცხადა ზახაროვამ.

მისი თქმით, „ყველა კონტაქტს ახორციელებდა ღიად, ოფიციალურად” და დაიჭირეს მას შემდეგ, რაც მან დაანონსა „საქართველოში რუსოფობიის მონიტორინგის პროექტი”. „გარკვეული ძალები დაინტერესებულია, რომ ამ ქსენოფობიას საერთაშორისო საზოგადოება ვერ ხედავდეს,” — თქვა ზახაროვამ.

ის ასევე ახსენა, რომ „რცხილაძის მზრუნველობის ქვეშ იმყოფება მძიმედ ავადმყოფი ხანდაზმული მამა”.

„ვიმედოვნებთ, საქართველოს ხელისუფლება შეძლებს გაერკვეს ამ საკითხში,” — დასძინა ზახაროვამ.

ვინ არის გულბაათ რცხილაძე? პრორუსული ორგანიზაცია „ევრაზიის ინსტიტუტის” ხელმძღვანელი. საქართველოს სუსმა ის ჯაშუშობის ბრალდებით დააკავა — გამოძიების ცნობით, ის ერთდროულად ორი უცხო სახელმწიფოს სპეცსამსახურისთვის პარალელური სადაზვერვო საქმიანობას ეწეოდა. 1 ივნისს სასამართლომ მას პატიმრობა შეუფარდა. ადვოკატი ამბობს, რომ ბრალდებული გამოძიებასთან არ თანამშრომლობს.