უკრაინის ნაციონალური ანტიკორუფციული ბიუროს (NABU) და სპეციალიზებული ანტიკორუფციული პროკურატურის (SAP) ერთობლივი გამოძიებით გამოვლინდა კიევთან ახლოს ელიტური კოტეჯების მშენებლობასთან დაკავშირებული 460 მილიონი გრივნის (დაახლ. 10,5 მლნ დოლარი) გათეთრების სქემა.

გამოძიებაში ეჭვმიტანილია ზელენსკის ადმინისტრაციის ყოფილი ხელმძღვანელი ანდრი ერმაკი, რომელიც 2025 წლის ნოემბერში „მინდიჩგეიტის” სკანდალის ფონზე გაათავისუფლეს.

NABU-ს ვერსიით, ბიზნესმენთა და პოლიტიკოსთა ჯგუფი — მათ შორის ტიმურ მინდიჩი და ყოფილი ვიცე-პრემიერი ალექსეი ჩერნიშოვი — კოტეჯ დასახლება „დინასტიაში” ოთხ პირად რეზიდენციაზე შეთანხმდნენ. თითოეული — 1000 კვ.მ. ფართობი, 2 მლნ დოლარამდე ღირებულება; ნაკვეთები ჯამში 8 ჰექტარზე მეტს მოიცავდა. 2021-2025 წლებში ამ ობიექტზე გამოძიების ვერსიით, 9 მლნ დოლარამდე გაირეცხა.

ერმაკმა კომენტარი გადადო: „გამოძიების დასრულებამდე არ ვილაპარაკებ.” კოტეჯ „დინასტიაში” სახლის ქონა უარყო.