ევროკომისიის პრეზიდენტი ურზულა ფონ დერ ლაიენი ამბობს, რომ რუსეთი ომის დასრულების ძალისხმევებს „ღიად დასცინის”, ევროკავშირი კი უკრაინის გაძლიერებას განაგრძობს.

14 მაისს, რუსეთმა უკრაინაზე ერთ-ერთი ყველაზე ინტენსიური შეტევა განახორციელა: 675 უპილოტო საფრენი აპარატი და 56 რაკეტა, მათ შორის სამი „კინჟალი”. კიევი იყო მთავარი სამიზნე — სულ ცოტა შვიდი ადამიანი დაიღუპა. უკრაინის საჰაერო ძალებმა 41 რაკეტა და 652 დრონი მოიგერია; 15 რაკეტამ და 23 დრონმა 24 ობიექტი დაარტყა.

ფონ დერ ლაიენმა შეტევა „დრონებით ყველაზე უმოწყალო დარტყმებს” შორის მოიხსენია. რუსეთი ამტკიცებს, რომ მისი სამიზნეები სამხედრო და ენერგეტიკული ობიექტები გახლდათ.