„არსენალის” ფრანგი ცენტრალური მცველი ვილიამ სალიბა გამოცემა L’Équipe-ს მიანიჭა ინტერვიუ, სადაც „მეთოფეთა” ისტორიული ჩემპიონობის შესახებ ისაუბრა. ლონდონელებმა პრემიერლიგის ტიტული 22-წლიანი პაუზის შემდეგ მოიგეს.

„დიდი ხნის განმავლობაში გვცინოდნენ. მაშინაც კი, როცა პირველ ადგილზე ვიყავით, ყველა ამბობდა, რომ ადრე თუ გვიან ჩავფლავდებოდით. ასეთია ფეხბურთი — თუ ეს დამოკიდებულება გინდა შეცვალო, უბრალოდ უნდა მოიგო. ჩვენ მოვიგეთ. ახლა სად არიან? — გაჩუმდნენ” — განაცხადა სალიბამ.

„მეთოფეების” ცენტრდამცველი სამი წინა სეზონს იხსენებს, როდესაც გუნდი ზედიზედ მეორე ადგილებს ფლობდა: „ჩემს პირველ სეზონში წარმოუდგენელ ფეხბურთს ვთამაშობდით — სწორედ მაშინ ვიმსახურებდით ყველაზე მეტად ჩემპიონობას. მაგრამ ყველა მაინც გვცინოდა.”

სალიბამ ასევე გააქარწყლა მოსაზრება, რომ „არსენალი” მხოლოდ სტანდარტული მდგომარეობების ჩემპიონია: „ახლა პრემიერლიგაში ყველა შორეულ აუტებსა და კუთხურებს ეყრდნობა. ჩვენ ფეხბურთსაც ვთამაშობთ. უბრალოდ, სტანდარტებიდანაც ყველაზე ხშირად ჩვენ ვიტანთ გოლებს.”