ვენესუელაში 25 ივნისის ღამეს მომხდარი დამანგრეველი, ზედიზედ 2, მიწისძვრის შედეგად 164 ადამიანი დაიღუპა. პრეზიდენტის მოვალეობის შემსრულებელმა დელსი როდრიგესმა განაცხადა, რომ ხუთშაბათს დილით მკვეთრად გაზარდა დაღუპულთა რიცხვი და 7.5 და 7.2 მაგნიტუდის მიწისძვრებისა და სხვა სეისმური აქტივობის შედეგად სულ მცირე 164 ადამიანი დაიღუპა, 971 კი — დაშავდა. მიწისძვრების ძირითადი ეპიცენტრები კარაკასიდან საკმაოდ შორს, დასავლეთით, სან ფელიპეს ქალაქთან ახლოს იყო.ჺ ვენესუელას მხარდაჭერას უცხადებს აშშ-ს პრეზიდენტი, აშშ-ს სახელმწიფო მდივანი, საფრანგეთის პრეზიდენტი, გერმანიის, ჩინეთის, ინდოეთის, ესპანეთის და გერმანიის მთავრობები და ევროკავშირი.

ესპანეთის თავდაცვის სამინისტრომ განაცხადა, რომ არმიის 54 მაშველს გაგზავნის ვენესუელის დასახმარებლად.

54 militares del #BIEMII de la @UMEgob preparados para apoyar en las tareas de rescate en el terremoto de Venezuela. La capacidad del equipo USAR combina el empleo de perros de búsqueda especialmente adiestrados y de dispositivos específicos como cámaras de rescate o geófonos. pic.twitter.com/7H8YbEp2Z5— Ministerio Defensa (@Defensagob) June 25, 2026

საფრანგეთის პრეზიდენტი ემანუელ მაკრონი აცხადებს, რომ ხუთშაბათს პრეზიდენტ დელსი როდრიგესს ესაუბრა. “მე გამოვუცხადე საფრანგეთის სოლიდარობა ვენესუელელ ხალხს და ვთქვი, რომ ჩვენი ფიქრები მსხვერპლთან და მათ ახლობლებთანაა”, — წერს მაკრონი. მაკრონმა განაცხადა, რომ საფრანგეთი მზადაა, ევროპელ პარტნიორებთან ერთად, დახმარება გაუწიოს ვენესუელელ ხალხსა და ხელისუფლებას. “საძიებო-სამაშველო ოპერაციებში სპეციალიზებული 85 ფრანგი მაშველისგან შემდგარი გუნდი დაუყოვნებლივ გაიგზავნება ვენესელაში”, — წერს ის.

Je viens d’échanger avec @delcyrodriguezv, à la suite du violent séisme qui a frappé Caracas et plusieurs régions du pays. J’ai exprimé la solidarité de la France envers le peuple vénézuélien et adressé nos pensées aux victimes et à leurs proches.…— Emmanuel Macron (@EmmanuelMacron) June 25, 2026

გერმანიამ და ევროკავშირმა ხუთშაბათს ვენესუელას მხარდაჭერა გამოუცხადეს დამანგრეველი მიწისძვრების შედეგებთან გამკლავებაში. ჩინეთმა ხუთშაბათს განაცხადა, რომ პეკინი მზადაა გაუგზავნოს ვენესუელას ნებისმიერი დახმარება, რაც მას სჭირდება მას შემდეგ, რაც ორმა ძლიერმა მიწისძვრამ ადამიანები იმსხვერპლა. “ჩინეთი მზადაა, ვენესუელის მხარის საჭიროებების შესაბამისად, შესაბამისი გზით უზრუნველყოს ნებისმიერი დახმარება”, — განაცხადა საგარეო საქმეთა სამინისტროს წარმომადგენელმა გუო ჯიაკუნმა. მან დასძინა, რომ ამჟამად ჩინეთის მოქალაქეებს შორის დაღუპულების შესახებ ინფორმაცია არ არის. აშშ-ის სახელმწიფო მდივანმა მარკო რუბიომ ხუთშაბათს X-ზე გამოქვეყნებულ პოსტში ვენესუელას “ღრმა სამძიმარი” გამოუცხადა და განაცხადა, რომ სასიკვდილო მიწისძვრის შემდეგ დაუყოვნებლივი დახმარება იგზავნება. “ჩვენი გულები ყველა მათთანაა, ვინც საყვარელი ადამიანები დაკარგა, დაშავებულებთან და მამაც მაშველებთან, რომლებიც დაუღალავად მუშაობენ შემდგომ პერიოდში”, — წერს რუბიო. მან განაცხადა, რომ აშშ-ის პრეზიდენტ დონალდ ტრამპის დავალებით, “სახელმწიფო დეპარტამენტი დაუყოვნებლივ აგზავნის ვენესუელაში საძიებო-სამაშველო ჯგუფებს, სამედიცინო რესურსებს და ჰუმანიტარულ დახმარებას”.

The United States extends our deepest condolences to the people of Venezuela following the devastating earthquakes. Our hearts are with all those who have lost loved ones, those injured, and the courageous rescue workers working tirelessly in the aftermath. America stands…— Secretary Marco Rubio (@SecRubio) June 25, 2026

ძლიერი მიწისძვრები ვენესუელაში უჩვეულოა, მიუხედავად იმისა, რომ ის სამხრეთ ამერიკისა და კარიბის ზღვის ტექტონიკური ფილების გასწვრივ მდებარე რამდენიმე რღვევის ხაზთან მდებარეობს. წყნარი ოკეანის სანაპიროზე მდებარე სხვა ქვეყნები, მათ შორის მექსიკა, ჩილე და შეერთებული შტატების დასავლეთი კიდე, განლაგებულია სეისმურად აქტიური ტექტონიკური სარტყლის გასწვრივ, რომელიც ცნობილია როგორც “ცეცხლის ბეჭედი”, რომელიც პასუხისმგებელია მსოფლიოში მიწისძვრების დაახლოებით 90%-ზე. ვენესუელაში ორი ძლიერი მიწისძვრა მოხდა — დაიღუპა 32, დაშავდა — 700-ზე მეტი, ათასობით დაკარგულია