ვენესუელაში 24 ივნისს მომხდარი 7.2 და 7.5 მაგნიტუდის სიძლიერის მიწისძვრების შედეგად ვითარება კიდევ უფრო მძიმდება. ბოლო ოფიციალური მონაცემებით, დაღუპულია სულ მცირე 2 295 ადამიანი, თუმცა მსხვერპლის რაოდენობა, სავარაუდოდ, კიდევ გაიზრდება.

არაოფიციალური, ადგილობრივი პლატფორმების ცნობით, დაკარგულად 43 000-ზე მეტი ადამიანი ითვლება. მაშველები ნანგრევებში გადარჩენილებისა და ცხედრების ძებნას უწყვეტ რეჟიმში აგრძელებენ.

გაერომ ქვეყნისთვის უკვე შეიძინა 10,000 სპეციალური ტომარა ცხედრებისთვის, რაც მსხვერპლის რაოდენობის მკვეთრი ზრდის საფრთხეზე მიანიშნებს.

ოფიციალური ინფორმაციით, 15 866 ადამიანი თავშესაფრის გარეშეა დარჩენილი. NASA-ს შეფასებით, სტიქიამ 59 000 შენობა დაანგრია ან დააზიანა.

ამერიკელი გენერლის განცხადებით, აშშ-მა ვენესუელაში, პუერტო-რიკოსა და კიურასაოში სამაშველო ოპერაციების მხარდასაჭერად 1 700 სამხედრო პერსონალი განათავსა.

ჰუმანიტარული ორგანიზაციები აფრთხილებენ საზოგადოებას, რომ ქვეყნის ისედაც სუსტი ჯანდაცვის სისტემა კოლაფსის პირასაა - საავადმყოფოები დაზიანებულია და მედპერსონალის მწვავე ნაკლებობას განიცდის. პარალელურად, იზრდება შიმშილის საფრთხეც: მსოფლიო სასურსათო პროგრამა ითხოვს $50 მილიონის გამოყოფას, რათა მომდევნო პერიოდში ნახევარ მილიონ ადამიანს გადაუდებელი საკვები მიაწოდოს.