NBA-ის პლეი-ოფში, დასავლეთ კონფერენციის მეორე რაუნდში, „მინესოტა ტიმბერვულვზმა” „სან ანტონიო სპურსი” 114:109 დაამარცხა და სერიაში ანგარიში 2:2-მდე გაათანაბრა.

მატჩის ბედზე გადამწყვეტი გავლენა ვიქტორ ვემბანიამას გაძევებამ იქონია. ფრანგმა სუპერვარსკვლავმა მეორე მეოთხედში ნაზ რიდს ყელში იდაყვი ჩაარტყა — მსაჯმა ის მაშინვე გაამგზავრა.

„მგლების” ლიდერმა ენტონი ედვარდსმა 40 წუთის განმავლობაში 36 ქულა, 6 მოხსნა და 2 შედეგიანი პასი მიითვალა. „სპურსს” კი დე’არონ ფოქსი ულიდერდა — 24 ქულა, 4 მოხსნა და 3 ასისტი 37 წუთში.

სერიის გადამწყვეტი მეხუთე მატჩი 13 მაისს, ტეხასში გაიმართება.