ამერიკის შეერთებული შტატები დამოუკიდებლობის დეკლარაციის მიღებიდან 250-ე წლისთავს აღნიშნავს. საიუბილეო თარიღთან დაკავშირებით, ქვეყნის სხვადასხვა ქალაქში, მათ შორის მილუოკში, ლოს-ანჯელესში, ბოსტონსა და ნიუ-იორკში, ქუჩის წვეულებები, კონცერტები და ფეიერვერკებია დაგეგმილი. პარალელურად, ფილადელფიაში იგეგმება 900 ფუნტიანი დროის კაფსულის დამარხვა, რომელიც 50 შტატისა და 6 ტერიტორიის მასალებს მოიცავს და 250 წლის შემდეგ უნდა ამოიღონ. მაღალი ტემპერატურის გამო, აღმოსავლეთ სანაპიროზე ზოგიერთი აქტივობა შეიცვალა, ხოლო ვაშინგტონში დამოუკიდებლობის დღის ეროვნული აღლუმი სრულად გაუქმდა.

აშშ-ის დედაქალაქში დაგეგმილი სადღესასწაულო პროგრამა პრეზიდენტ ტრამპის სიტყვით გამოსვლასა და შეიარაღებული ძალების გაერთიანებული ორკესტრის მუსიკალურ ნომრებს მოიცავს. ღონისძიება პიროტექნიკური შოუთი დასრულდება, რომლის ფარგლებშიც ორგანიზატორები 40 წუთის განმავლობაში 850 000-ზე მეტი ფეიერვერკის გაშვებას გეგმავენ. მოსალოდნელი ხალხმრავლობისა და დაგეგმილი აქტივობების უსაფრთხოების უზრუნველსაყოფად, ვაშინგტონის ტურისტულ ზონებში ეროვნული გვარდიის 5 000-მდე წევრია მობილიზებული.