BBC Verify-მ, ფაქტების შემმოწმებელმა ჯგუფმა, ანალიტიკური პროექტ GeoConfirmed-თან ერთად დაადასტურა: უკრაინულმა დრონებმა ტაგანროგ-მარიუპოლ-მელიტოპოლ-ჯანკოის ტრასაზე ასობით რუსული სამხედრო სატვირთო მანქანა დაბომბა.

გაანალიზებულ ვიდეოებში ჩანს დამწვარი ტვირთამზიდები გზატკეცილის სხვადასხვა მონაკვეთზე — ტრასაზე, რომლითაც ფრონტზე მეომარი ჯარები და 2014 წელს ანექსირებული ყირიმი მარაგდება.

მასშტაბი

Atum ანალიტიკური ცენტრის კლემენტ მოლეანი ამბობს, რომ ფრონტიდან 20 კილომეტრზე მეტ მანძილზე მინიმუმ 150 მანქანა განადგურდა — „და ეს, სავარაუდოდ, ასეთი ინციდენტების მხოლოდ ნახევარია”.

სადაზვერვო კომპანია Janes-ის ექსპერტის ნიკ ბრაუნის თქმით, უკრაინა ამ ოპერაციებისთვის Hornet-ის დრონებს იყენებს, რომლებიც ხელოვნური ინტელექტის სამიზნეობის სისტემითა და Starlink-ით არის აღჭურვილი.

სტრატეგიული შეფასება

RUSI-ის ექსპერტი რობერტ ტოლასტი განმარტავს, რომ ერთ რუსულ ბრიგადას ყოველდღიურად 1 000 ტონამდე მარაგი — საწვავი, საკვები, საბრძოლო მასალა — სჭირდება. „ფრონტიდან 100 კილომეტრზე მომარაგების ხაზის ჭრა რუსეთისთვის ძალიან სერიოზული პრობლემაა,” — განაცხადა ტოლასტმა.

ომის შემსწავლელი ინსტიტუტის (ISW) ჯორჯ ბაროსის შეფასებით, „რუსეთის ინფილტრაციის შესაძლებლობა სავარაუდოდ განაგრძობს კლებას, სანამ უკრაინა ამ კამპანიას გააგრძელებს”.