Bloomberg-მა 21 მაისს, აშშ-ის სამხედრო დაზვერვის ანგარიშზე დაყრდნობით, გამოაქვეყნა, რომ 2026 წლის დასაწყისიდან უკრაინის ჯარებმა კონტრშეტევით დაახლოებით 400 კმ² ტერიტორია დაიბრუნეს. პარალელურად სწორედ ამ პერიოდში შეიზღუდა Starlink-ის ხელმისაწვდომობა რუსეთის სამხედრო დანაყოფებისთვის.

რუსეთის არმია SpaceX-ის Starlink-ის სატელიტური ინტერნეტ-ტერმინალებს ბრძოლის ველზე უპილოტო საფრენი აპარატების მოძრაობის კოორდინაციისა და სამიზნეებზე დარტყმებისთვის ინტენსიურად იყენებდა. SpaceX-მა, მართალია, ოფიციალურად შეზღუდა რუსეთის ჯარებისთვის Starlink-ზე წვდომა, მაგრამ ისინი ტერმინალებს მესამე ქვეყნების მეშვეობით ყიდულობდნენ.

2026 წლის თებერვლის დასაწყისში უკრაინის მთავრობამ გამოსცა ბრძანებულება Starlink-ის ტერმინალების „თეთრი სიის” შესახებ — ამიერიდან მხოლოდ შემოწმებული, ოფიციალურად რეგისტრირებული ტერმინალები მუშაობს.

„Starlink-ის გათიშვა ერთ-ერთი მნიშვნელოვანი ფაქტორი იყო, რომელმაც რუსეთის ჯარების წინსვლა შეანელა”, — განაცხადა უკრაინის თავდაცვის მინისტრმა მიხაილო ფედოროვმა 21 მაისს კიევში. მინისტრის ინფორმაციით, რუსეთმა Starlink-ის სრულფასოვანი შემცვლელი ვერ მოძებნა, რაც უკრაინის ჯარს ბრძოლის ველზე მნიშვნელოვან უპირატესობას ანიჭებს.