უკრაინის უსაფრთხოების სამსახურმა (SBU) 29 მაისს განაცხადა, რომ ოდესაში ასაფეთქებელი ნივთიერებებით დატვირთული რუსული დრონის კონტრაბანდის მომზადებისთვის ოთხი ეჭვმიტანილი დაიკავა. SBU-ს ინფორმაციით, დრონი თამბაქოს საბითუმო ტვირთში იყო დამალული, ოკუპირებული აფხაზეთიდან შავი ზღვის გავლით გადაჰქონდათ.

„კონტრაბანდისტების მარშრუტი კუნძულ ზმეინის ახლოს ნეიტრალურ წყლებზე გადიოდა, სადაც ტვირთი მთავარი გემიდან პატარა ნავებზე გადაიტანეს, რათა ფარულად შეეტანათ ოდესის სანაპიროზე”, — განმარტა SBU-მ. ოდესისა და ჩერნივცის ოლქებში ჩხრეკისას ამოიღეს რუსული დრონი ქობინით, საკომუნიკაციო აღჭურვილობა, დოკუმენტაცია და ავტომატური იარაღი.

გამოძიების ვერსიით, ოპერაციას ოდესელი ბიზნესმენი ხელმძღვანელობდა, რომელიც ამჟამად „საზღვარგარეთ ცხოვრობს” და აფხაზეთში „უკანონო ბიზნეს საქმიანობაშია” ჩართული. SBU-ს თქმით, ის FSB-სთან კავკასიაში კონტრაბანდის სანაცვლოდ ითანამშრომლდა. ოპერაციაში, ცნობების თანახმად, უკრაინელი მესაზღვრეც ყოფილა ჩართული.

SBU ეჭვმიტანილებს ერთ წელზე მეტ ხანს აკვირდებოდა. დაკავებულებს 12 წლამდე თავისუფლების აღკვეთა და ქონების კონფისკაცია ემუქრებათ.