20-21 მაისის ღამეს და 21 მაისის დილით რუსეთის ჯარებმა უკრაინაზე 116 საბრძოლო უპილოტო აპარატი და ერთი ბალისტიკური რაკეტა „ისკანდერი” გამოუშვეს. უკრაინის საჰაერო ძალების ცნობით, დილის 08:30 საათისთვის 109 დრონი ჩამოაგდეს; ხუთ ადგილზე პირდაპირი დარტყმა დადასტურდა.

ყველაზე მძიმე შედეგები ჩერნიგოვის ოლქში დაფიქსირდა — ორი ადამიანი დაიღუპა, ორი დაიჭრა. ხარკოვში დრონის პირდაპირი დარტყმით ერთი ადამიანი გარდაიცვალა. 21 მაისს დილით სუმის ქალაქს დაარტყეს — სულ მცირე ექვსი ადამიანი დაიჭრა. დნეპროპეტროვსკის ოლქში ოთხი ადამიანი დაიჭრა.

სასწრაფო სამსახურების ცნობით, თავდასხმებმა სახლები და სამეწარმეო ობიექტები დააზიანა.