16–17 მაისის ღამეს უკრაინამ მოსკოვის ოლქზე მასშტაბური დრონების შეტევა მიიტანა. მოსკოვის მერის სერგეი სობიანინის განცხადებით, საჰაერო თავდაცვა 16 მაისის საღამოდან 17 მაისის გამთენიამდე ინტენსიურ იერიშს იგერიებდა.

ადგილობრივი დროით დილის 3:30-ის მდგომარეობით, ხელისუფლება 73-ზე მეტი უკრაინული დრონის განეიტრალებას ამტკიცებდა. სოციალურ ქსელში გავრცელებულ ვიდეოებში ჩანს ხანძრები ხიმკიში, კლინსა და ზელენოგრადში. აქტივობა შეინიშნებოდა შერემეტიევოს აეროპორტის მახლობლადაც.

მოსკოვის ოლქის გუბერნატორმა ანდრეი ვორობიოვმა დაადასტურა, რომ შეტევის შედეგად სამი ადამიანი დაიღუპა — ორი სოფელ პოგორელკიში, ერთი ხიმკიში. გარდა ამისა, რამდენიმე ადამიანი დაშავდა, რამდენიმე საცხოვრებელ კორპუსსა და სახლს ბომბი დაეცა.

უკრაინის პრეზიდენტ ზელენსკის განცხადებით, ეს „რუსეთის მიერ ომის გაჭიანურებაზე” გამართლებული პასუხია. მოსკოვი კი ამ შეტევებს „ტერაქტად” მოიხსენიებს.