15 მაისს კიშინიოვში, ევროსაბჭოს მინისტრთა კომიტეტის სხდომაზე, 37 ქვეყანამ უკრაინის წინააღმდეგ აგრესიის სპეციალური ტრიბუნალის ხელმძღვანელი კომიტეტის შექმნა გადაწყვიტა — ეს სპეციალური ტრიბუნალის მესამე სადამფუძნებლო დოკუმენტია.

უკრაინის საგარეო საქმეთა მინისტრმა ანდრი სიბიჰამ სხდომაზე განაცხადა, რომ „ისტორიული დღეა” და 80 წლის წინ ნიურნბერგის ტრიბუნალის მსგავსად, ჰააგაში სპეციალური ტრიბუნალი ომის ნანგრევებიდან სამართლიანობას აღადგენს. „პუტინს ყოველთვის სურდა ისტორიაში შესვლა — ტრიბუნალი ამაში დაეხმარება, ოღონდ ისტორიაში შევა დამნაშავედ, რუსეთის არმიის ხელმძღვანელებთან, ბელარუსის დიქტატორ ლუკაშენკასთან და სხვებთან ერთად,” — განაცხადა მინისტრმა.

უკრაინის პრეზიდენტის ოფისის უფროსის მოადგილის, ირინა მუდრას, განმარტებით, შემდეგი ეტაპი ჰააგაში ტრიბუნალის ფაქტობრივი ფორმირება იქნება — მოსამართლეების, პროცედურული წესებისა და გამოძიების ჩამოყალიბება. უკრაინა გეგმავს, რომ ტრიბუნალი 2027 წლიდან ამუშავდეს.

ქრონოლოგია: 2025 წლის მაისში ლვოვში სახელმწიფოთა კოალიციამ ტრიბუნალის შექმნის საკითხი ოფიციალურად დააყენა; ივნისში უკრაინის პრეზიდენტმა ზელენსკიმ და ევროსაბჭოს გენმდივანმა ბერსემ ხელი მოაწერეს ტრიბუნალის დაფუძნების შეთანხმებას.