3 ივნისს, დილის დაახლოებით 04:00 საათზე, დიდი ბრიტანეთის სამხედრო-საზღვაო ფლოტის Merlin Mk4-ის ტიპის ვერტმფრენი ჩამოვარდა სასწავლო წვრთნების დროს. კატასტროფა დევონის გრაფსტვოში, სოურტონ-დაუნში — ოკჰემპტონის ახლოს — მოხდა. ბორტზე მყოფი ეკიპაჟის სამივე წევრი დაიღუპა.

„ღრმა მწუხარებით გამცნობ, რომ დღეს დილით ადრე, დევონში, ჩვენი Merlin Mk4-ის ვერტმფრენის ჩამოვარდნის შედეგად ბორტზე მყოფი ეკიპაჟის სამი წევრი დაიღუპა. ვიცი, რომ ეს უდიდესი შოკი იქნება ჩვენი სამხედრო-საზღვაო საზოგადოებისთვის. ჩემს უღრმეს სამძიმარს ვუცხადებ ამ ტრაგედიით დაზარალებულ ოჯახებს, მეგობრებსა და ახლობლებს,” — განაცხადა სამხედრო-საზღვაო ფლოტის მეთაურმა, გენერალ სერ გვინ ჯენკინსმა.

კატასტროფის ადგილი ახლოსაა ოკჰემპტონის სამხედრო ბანაკთან, სადაც Royal Marines-ის ქვედანაყოფების მოსამზადებლად განკუთვნილი Merlin-ის ეკიპაჟები ვარჯიშობენ. ამ მხარეში რამდენიმე სამხედრო-საზღვაო ბაზაა განთავსებული, მათ შორის დასავლეთ ევროპის უდიდესი — HMNB Devonport პლიმუთში.

გამოძიება მიმდინარეობს.