25 მაისს, საღამოს, „მზიურის აგარაკებზე” მცხოვრებ თუთა ჯგუშიასა და მის 9 წლის ვაჟს, ებს, ადიდებულმა ნორიოსხევმა (მდინარე ლოჭინის შენაკადი) 1000 კვ.მ-ის ეზოდან 800 კვ.მ-მდე ჩაყლაპა. ახლა სახლიდან სულ 5 მეტრი გამოყოფს მდინარეს.

დედა-შვილი სახლს იძულებული გახდა, მიეტოვებინა. ოთხი დღეა ამ ამბიდან — ადგილობრივ ხელისუფლებას დროებითი გამაგრებაც კი არ დაუწყია. გარდაბნის მერი, დავით კარგარეთელი, ვერც ზარს, ვერც შეტყობინებებს არ პასუხობს. საკრებულოს წარმომადგენელი კი ამბობს, „ყველამ ყველაფერი იცის, ჩართულობა დიდია, მაგრამ პასუხი ჯერ არ ვიცით”.

ინფრასტრუქტურის სამინისტრომ თუთას უპასუხა, რომ ნაპირსამაგრების გაკეთება „რამდენიმე თვეში” დაიწყება — ჯერ ტენდერი უნდა გამოცხადდეს და „შესაბამისი პროცედურები” გაიაროს. დროებითი სამუშაო „გამგეობის საქმეაო”.

„რამდენი დღე ვიარო კარდაკარ პარკში ჩატენილი თითო ხელი ტანსაცმლით და ვირბინო ნორიოში გულგახეთქილმა, რომ მდინარის იქეთ გამოვხედო?” — ეკითხება თუთა.

სახლი 10 წლის წინ ნაყიდია, ლოდი დღეს ჯერ კიდევ იხდება. ების სათამაშოები ადიდებულმა მდინარემ გაიტაცა.

ამ გაზაფხულზე, ნორიოსხევის ადიდებისგან „მზიურის აგარაკებზე” სულ 16 ოჯახი დაზარალდა.