მწერალი თუთა ჯგუშია სოფელ ნორიოდან (გარდაბნის მუნიციპალიტეტი, ე.წ. მზიურის აგარაკები) ლაივ ვიდეოს აქვეყნებს: ეზო ჩამქრალა, სახლამდე მცირე მანძილია დარჩენილი და 9 წლის შვილთან ერთად ღამეულ საფრთხეს ელის.

„ახლა მოვედი სახლში სამსახურიდან. ეზო აღარ არსებობს ხალხო, სახლამდე ძალიან მცირე მანძილია დარჩენილი. სახლი დგას, მაგრამ ამაღამვე შეიძლება წაიღოს წყალმა. შეიძლება ვინმე გამოჩნდეს და ამ ყველაფერს შეხედოს?” — ამბობს ჯგუშია.

მარტის ბოლოს გამოქვეყნებულ პოსტში ის წერდა, რომ ერთი წელია ყოველ გაზაფხულ ლოჭინის შენაკადი, ნორიოსხევი, ეზოს და სახლს ტბორავს. 2025 წლის მაისში წყალმა ეზოს ნახევარი წაიღო. გზების დეპარტამენტმა შემოდგომაზე ადგილი დაათვალიერა, შეაფასა რისკები და გაბიონების (მავთულის ბადე-ქვის ბლოკები) ჩადების პირობა დადო — სამუშაო კი ჯერ არ დაწყებულა.

ჯგუშია წერდა: „ღამით ცალი ხელით ბავშვს ვარ ჩაბღაუჭებული და ცალი ხელით — მატრასს, იმის შიშით, რომ ნებისმიერ დროს შეიძლება მოვარდეს წყალი.”