„პალიტრანიუსის” გადაცემაში „თავისუფალი სტუდია” პოლიტიკოსმა დიმიტრი ცქიტიშვილმა განაცხადა, რომ ქართული ოცნება ეტაპობრივად ამზადებს საზოგადოებას ევროკავშირზე უარის სათქმელად.

„ისინი უკვე ტკეპნიან აზრს, რომ საქართველომ უარი უნდა თქვას ევროკავშირზე. ახლა ეს დათქმებითაა — ჩვენ არ გვინდა ასეთი ევროპა, ასეთი გზა, დანიის მსგავსი ევროპა,” — თქვა ცქიტიშვილმა.

პოლიტიკოსი კოპენჰაგენის ინციდენტს ამ სტრატეგიის ნაწილად მიიჩნევს: „დღეს კიდევ დაამატეს კლიპი — მანჩესტერში, ბერლინში ძალოვანთა ქმედებები. ეს ნიშნავს, რომ ევროპის მიმართ დისტანცირებას ახდენენ.”

ცქიტიშვილი ხაზს უსვამს, რომ მთელი ეს ნარატივი ეფუძნება ამომრჩეველთა შეცდომაში შეყვანას: „ძალიან დიდ შეურაცხყოფას აყენებენ თავის მხარდამჭერებს, როცა ფიქრობენ, რომ მარტივი ტყუილით დააჯერებენ — დანიაზე ჩვენ უკეთ ვცხოვრობთ, ან დანიის პოლიცია ისეთი ბრუტალურია, რომ ხარება მასთან ანგელოზია.”