სომეხმა მილიარდერმა და ოპოზიციურმა პოლიტიკოსმა გაგიკ ცარუკიანმა გამოაცხადა, რომ მსოფლიოში უმაღლესი იესო ქრისტეს ქანდაკების დასრულების შემდეგ ნოეს კიდობნის მონუმენტს ააშენებს. ამის შესახებ OC Media წერს.

ცარუკიანი ამტკიცებს, რომ ორივე ობიექტი მილიონობით ტურისტს მიიზიდავს სომხეთში. იესო ქრისტეს 33-მეტრიანი ქანდაკების მშენებლობა 2025 წლის ნოემბერში დაიწყო.

ამასთანავე, ცარუკიანმა სომხეთის პრემიერ-მინისტრ ნიკოლ ფაშინიანი გააკრიტიკა. ტავუშის რეგიონში გამოსვლისას მან ცრუ ინფორმაცია გაავრცელა, მათ შორის — თქვა, თითქოს ფაშინიანი ქვეყანაში 300 000 აზერბაიჯანელის შეშვებას გეგმავს.

თავისი პარტიის „აყვავებული სომხეთის” ხელისუფლებაში მოსვლის შემთხვევაში ცარუკიანი ამბობს, რომ სომხეთის უსაფრთხოების გარანტებად დაასახელებდა რუსეთს, ჩინეთს, ინდოეთს ან პაკისტანს — ქვეყნებს, რომლებმაც ერევანთან ოფიციალური დიპლომატიური ურთიერთობები მხოლოდ 2025 წელს დაამყარეს. კონკრეტული მექანიზმი მან არ გაამჟღავნა.