The Trump Organization-ის აღმასრულებელმა ვიცე-პრეზიდენტმა ერიკ ტრამპმა X-ზე „ტრამპ თაუერ თბილისის” ოფიციალური რენდერი გამოაქვეყნა. მისი თქმით, შენობა მალე საქართველოში ყველაზე მაღალ ნაგებობად გახდება.

„მოხარული ვარ, „ტრამპ თაუერ თბილისის” ოფიციალური რენდერი გაგიზიაროთ. საუკეთესო ადგილმდებარეობით, თბილისის გულში, ეს ცათამბჯენი მალევე იქცევა ღირსშესანიშნაობად, როგორც ყველაზე მაღალი შენობა საქართველოში. ეს ჩვენი პირველი პროექტია რეგიონში და ძალიან გვიხარია მისი განხორციელება!” — განაცხადა მან.

The Trump Organization-ის ინფორმაციით, პროექტში ჩართული კომპანიებია Biograpi Living, Archi, The Sapir Organization, Blox და Finvest Georgia. შენობის დიზაინზე მსოფლიოს ერთ-ერთმა წამყვანმა არქიტექტურულმა ფირმამ — Gensler-მა — იმუშავა.

გეგმის მიხედვით, ცათამბჯენი დაახლოებით 70-სართულიანი იქნება, რაც მას ავტომატურად გახდის საქართველოში ყველაზე მაღალ ნაგებობად.