11 მაისს აშშ-ის პრეზიდენტმა დონალდ ტრამპმა ირანთან ზავი „სულმობრძავად” დახასიათა, მას შემდეგ, რაც თეირანის პასუხი ვაშინგტონის სამშვიდობო წინადადებაზე სწრაფად უარყო. „ნაგვის ნაგლეჯი” — ასე შეაფასა ტრამპმა ირანის გამოგზავნილი პასუხი. განცხადება კეთდება 10 კვირიანი კონფლიქტის ფონზე, რომელსაც ათასობით ადამიანი ემსხვერპლა და ენერგიის ნაკადი შეჩერდა.

ირანმა საპასუხო პირობები წამოაყენა: ომის ყველა ფრონტზე ბრძოლების დასრულება — ლიბანის ჩათვლით, სადაც ისრაელი ჰეზბოლას ებრძვის —, კომპენსაცია ომით მიყენებული ზარალისთვის, ჰორმუზის სრუტეზე სუვერენული კონტროლის აღიარება, აშშ-ის საზღვაო ბლოკადის დასრულება, ახალი შეტევების გამომრიცხავი გარანტიები, სანქციების მოხსნა და ირანის ნავთობის გაყიდვაზე დაწესებული შეზღუდვის გაუქმება.

ვაშინგტონის პოზიცია სხვაგვარია: ჯერ საბრძოლო მოქმედებები უნდა შეჩერდეს, შემდეგ კი — განიხილება უფრო რთული საკითხები, მათ შორის ირანის ბირთვული პროგრამა.

ჰეზბოლა არის ლიბანური ორგანიზაცია, რომელიც ლიბანის სამხრეთის დიდ ნაწილს აკონტროლებს. შეერთებული შტატები მთლიანად ტერორისტულ ორგანიზაციად მიიჩნევს, ევროკავშირი კი — მხოლოდ მის შეიარაღებულ ფრთას.

ტრამპი ვიზიტით ჩინეთში მიემგზავრება, სადაც, მისივე თქმით, ახლო აღმოსავლეთში არსებულ მდგომარეობასაც განიხილავს.