„ჩვენ არ განვახორციელებთ ირანზე ხვალისთვის დაგეგმილ თავდასხმას, მაგრამ ვათო ბრძანება — ნებისმიერ დროს მზადყოფნის შესახებ, სანამ მისაღები შეთანხმება ვერ იქნება მიღწეული,” — განაცხადა აშშ-ის პრეზიდენტმა დონალდ ტრამპმა.

ტრამპის სიტყვებით, სამი არაბული სახელმწიფოს ლიდერი — კატარის ემირი თამიმ ბინ ჰამად ალ თანი, საუდის არაბეთის ტახტის მემკვიდრე მუჰამედ ბინ სალმანი და UAE-ის პრეზიდენტი მუჰამედ ბინ ზაიედი — სთხოვდნენ, ირანზე „ხვალისთვის ჩანიშნული” სამხედრო იერიში გადაევადებინა. ომის მდივანსა და შტაბების გაერთიანებული კომიტეტის თავმჯდომარეს მიუთითა, რომ „ხვალ ირანზე თავდასხმა არ განხორციელდება” — თუმცა სამხედრო ძალები „ნებისმიერ მომენტში” მზად უნდა იყვნენ, თუ მოლაპარაკება ჩაიშლება.

„ეს შეთანხმება მოიცავს ერთ ძირითად პუნქტს: არანაირი ბირთვული იარაღი ირანს!” — წერს ტრამპი, სამ მეზობელ ლიდერს „დიდ მოკავშირეებად” მოიხსენიებს.

Axios-ისა და CNN-ის ინფორმაციით, 19 მაისს ტრამპი ეროვნული უსაფრთხოების გუნდს შეხვდება ირანის წინააღმდეგ შესაძლო სამხედრო ოპციების განსახილველად. New York Times-ი კი წერს, რომ ტრამპის მრჩეველებმა ირანზე ახალი დარტყმების კონკრეტული გეგმები მოამზადეს — მათ შორის ირანის სამხედრო ობიექტების ფართომასშტაბიანი დაბომბვა და ქვეყნიდან გამდიდრებული ურანის გამოტანის სახმელეთო ოპერაცია.