ევროპის საბჭოს მინისტრთა კომიტეტის 15 მაისის სხდომაზე კიშინიოვში 34-მა ქვეყანამ მხარი დაუჭირა სპეციალური ტრიბუნალის მმართველ კომიტეტს — ორგანოს, რომელიც უკრაინაში სრულმასშტაბიანი შეჭრის გამო პუტინს სასამართლოში წარადგენს. საქართველო ამ ინიციატივაში არ შეუერთდა.

ქართული მხარის განმარტებით, ხელმოწერა „დამატებით საფრთხეებს” შეუქმნიდა ქვეყანას. ეს პოზიცია კიშინიოვში საგარეო მინისტრმა ბოჭორიშვილმა გააჟღერა.

ტრიბუნალს ხელი ასევე არ მოაწერეს: ალბანეთმა, სომხეთმა, აზერბაიჯანმა, ბოსნია-ჰერცეგოვინამ, ბულგარეთმა, უნგრეთმა, მალტამ, ჩრდილო მაკედონიამ, სერბეთმა, სლოვაკეთმა და თურქეთმა.

უკრაინის საგარეო საქმეთა მინისტრმა სიბიგამ განაცხადა, რომ ტრიბუნალს „გლობალური ხასიათი” უნდა ჰქონდეს. კიევი ელოდება, რომ ტრიბუნალი 2027 წლიდან ამოქმედდება.