ფიფამ ძალიან უცნაური ვერდიქტი გამოიტანა - ბელგიასთან მერვედფინალის წინ, აშშ-ს ნაკრების თავდამსხმელ ფოლარინ ბალოგუნს, ბოსნიასთან მეოთხედფინალში მიღებული წითელი ბარათი შეუჩერა, რაც ტურნირის ისტორიაში პირველად მოხდა.

ფიფამ განაცხადა, რომ გადაწყვეტილება კოდექსის 27-ე მუხლის მიხედვით იქნა მიღებული და ბალოგუნის დისკვალიფიკაცია ერთწლიანი გამოსაცდელი ვადითაა შეჩერებული.

ამ ამბის გავრცელების შემდეგ, აშშ-ის პრეზიდენტმა დონალდ ტრამპმა თავის სოციალურ ქსელ Truth Social-ზე პოსტი გამოაქვეყნა, სადაც აღნიშნა, რომ მსოფლიო ფეხბურთის მმართველმა ორგანომ დიდი უსამართლობა გამოასწორა.

“მადლობა FIFA-ს, რომ სწორად მოიქეცით და დიდი უსამართლობა გამოასწორეთ”, - წერია პოსტში.

რამდენიმე დღის წინ ბალოგუნის წითელ ბარათზე აშშ-ის სახელმწიფო მდივანმა მარკო რუბიომაც ისაუბრა, რომელმაც განაცხადა, რომ გუნდი იმედგაცრუებული იყო და ხაზი გაუსვა სააპელაციო პროცედურის შემოღების აუცილებლობას.

ამასობაში, აშშ-ის ბანაკში, რომელსაც მაურისიო პოჩეტინო ხელმძღვანელობს, სიხარული სუფევს. ერთ-ერთი ლიდერის კრისტიან პულიშიჩის თქმით, ნაკრებმა ბალოგუნის დისკვალიფიკაციის მოხსნის შესახებ ვარჯიშისკენ მიმავალ გზაზე ავტობუსში შეიტყო.

პულიშიჩმა აღნიშნა, რომ ბალოგუნს სახეზე ფართო ღიმილი ჰქონდა, რადგან, გუნდის აზრით, მსაჯის გადაწყვეტილება მისი მოედნიდან გაძევების შესახებ ძალიან მკაცრი იყო.