კონფერენს ლიგის პირველი საკვალიფიკაციო ეტაპის პირველ მატჩში „ტორპედო“ გასვლაზე „ზირასთან“ 0:3 დამარცხდა და შემდეგ რაუნდში გასვლის მცირე შანსი დარჩა.

„ზირა“ ინიციატივას ფლობდა, პირველი ტაიმი 1:0 მოიგო, შესვენების შემდეგ კი გოშაძის კარი საქართველოს ნაკრების თავდამსხმელმა ვოლკოვმა დალაშქრა, რომელიც თანგუნდელ პაპუნაშვილთან ერთად მოედანზე ერთ-ერთი საუკეთესო იყო. პაპუნაშვილმა ყვითელი ბარათი მიიღო და 59-ე წუთზე შეცვალეს. მერე პირისპირ გასული აიდინი გოშაძემ საჯარიმოში წააქცია, რენატომ პენალტით დუბლი შეასრულა და აზერბაიჯანულმა გუნდმა დამაჯერებელი გამარჯვება მოიპოვა.

საპასუხო შეხვედრა 16 ივლისს ქუთაისში ჩატარდება.

ზირა. „ზირა სთედიუმი“

ზირა - ტორპედო 3:0

გოლები: 1:0 რენატო (32), 2:0 ვოლკოვი (47), 3:0 რენატო (64, პენ)

ტორპედო: გოშაძე, სიმიჩი, მანე (სკორუპი 38), კუპრავა (სტამატოვი 67), ჩერიფი, ბუკია, მამუჩაშვილი, პირესი, პინსონი, არაბიძე (დეისაძე 67), ანდრიჩი