UFC-ის ქართველი ჩემპიონი ილია თოფურია და მისი ყოფილი მეუღლე, ინფლუენსერი ჯორჯინა უზკატეგუი ბადელი თებერვალში სასამართლო გზით მიაღწიეს შეთანხმებას — მაგრამ საჯარო დავა გრძელდება.

ინსტაგრამზე Q&A სესიის დროს ჯორჯინამ ფანს, რომელმაც ჰკითხა, როგორ გაუმკლავდე ადამიანს, რომელიც შენზე ასე საუბრობს, ასე უპასუხა: „თავიდან ეს საშინელებათა ფილმს ჰგავდა. წმინდა წყლის ღალატი. ნელ-ნელა კი ღმერთმა თვალები ამიხილა — ბოროტებისგან დამიხსნა.”

დედის სიტყვებზე პასუხი

ილია თოფურიას დედამ, ინგა ბენდელიანმა ადრე ინტერვიუში განაცხადა, რომ განქორწინების შემდეგ შვილმა გაიგო: „დედას უნდა დაუჯეროს ხოლმე”. ამ სიტყვებზე ჯორჯინამ ინსტაგრამზე ასე გამოეხმაურა: „ვფიქრობ, ეს საკმარისი აღიარებაა იმისა, თუ ვინ არიან ისინი სინამდვილეში. საუკეთესო შურისძიებაა — იყო შორს და არ გახდე მათნაირი.”

AI-ფოტოს სკანდალი და ჯო როგანი

ცალკე ეპიზოდია AI-გენერირებული ფოტოს ამბავი. UFC-ის კომენტატორ ჯო როგანის პოდკასტში ვირუსულ ფოტოს გამოიყენეს, სადაც ჯორჯინა თითქოს ცნობილ რეპერთან ერთად ავტომობილში ზის. „ეს შენი შვილის დედაა და ეს ქალი მონსტრია,” — განაცხადა როგანმა.

მოგვიანებით გაირკვა, რომ ფოტო ხელოვნური ინტელექტის მიერ იყო გენერირებული, ხოლო ორიგინალზე ჯორჯინა ძმასთან ერთად იჯდა. ამ ეპიზოდის შედეგად ქალს მასობრივი ონლაინ ბულინგი განიცადა. „ადამიანები ჩემი და ჩემი ქალიშვილის მოკვლითაც კი იმუქრებოდნენ,” — განაცხადა ჯორჯინამ. გასული წლის ბოლოს მან ესპანეთში პოლიციაში სჩივლა ჯო როგანს.