ევროკომისიამ Temu-ს 200 მილიონი ევროს ჯარიმა დაადო — ჩინური ონლაინ-პლატფორმამ ვერ შეასრულა ევროკავშირის კანონმდებლობით „ძალიან დიდი ონლაინ პლატფორმებისთვის” დაკისრებული ვალდებულებები.

ევროკომისიის განცხადებით, „კომპანიამ ვერ შეძლო გულმოდგინედ გამოევლინა, გაეანალიზებინა და შეეფასებინა სისტემური რისკები, რომლებსაც ეს პროდუქტები შეიცავდა, და ის ზიანი, რაც მათ მომხმარებლებისთვის შეეძლოთ მიეყენებინათ.”

ჯარიმის გარდა, Temu-ს 28 აგვისტომდე ხარვეზების აღმოფხვრის სამოქმედო გეგმა ევალება. ევროკავშირის ტექნოლოგიების საკითხებში კომისარმა ჰენა ვირქუნენმა ჟურნალისტებს განუცხადა, გადაწყვეტილება Temu-სთვის „ძალიან მკაცრი სიგნალის” გაგზავნას ისახავდა მიზნად.

კომპანიამ ჯარიმა გაასაჩივრა: „ჩვენ არ ვეთანხმებით ევროკომისიის გადაწყვეტილებას — ჯარიმა არაპროპორციულია. ყველა შესაძლო ვარიანტს განვიხილავთ.”

Temu-ს მიმართ გამოძიება 2024 წლის ოქტომბერში დაიწყო, ევროკავშირის ციფრული ბაზრების შესახებ კანონმდებლობის (DSA) შესაბამისობის შემოწმებისთვის.