ქართველი მხატვარი ტედო რეხვიაშვილი ვენეციის ბიენალეზე ნაურუს ეროვნული პავილიონის გამხსნელ ნამუშევრად წარდგება — „ტროის ცხენის” პრინციპით, ნაურუს პავილიონში, ანუ სწორედ იმ ქვეყნის ეროვნულ სივრცეში, რომელიც საქართველოს ტერიტორიების დამოუკიდებლობას აღიარებს.

„პარიზში ვიყავი, გამოფენის მონაწილე, და ჩემმა ნაცნობმა ჟურნალისტმა თქვა — ახალი ქვეყანა გამოდის ბიენალეზე, მხატვარს ეძებდნენ. ვეთანხმე. ახსნა, რომ ნაურუზე იყო ლაპარაკი. გამეცინა და უარი ვთქვი. მაგრამ ერთი დღე ვიფიქრე და ვიფიქრე: ვცდი ჩემსას — მხოლოდ აფხაზეთის თემაზე ვიმუშავებ, ჩემი კონტექსტით,” — ყვება რეხვიაშვილი.

მის ნამუშევარს — ნიჟარას — ყურზე მიდება კი ზღვის ხმის მოსმენა ნიშნავს. ნიჟარაზე ექვსი ქალაქის ხედია გამოხატული: გულრიფშის, ტყვარჩელის, გაგრის, სოხუმის, ბიჭვინთის და ოჩამჩირის. ოდნავ მოგვიანებით ზღვის ხმას ომის ხმები ცვლის — სასოწარკვეთილი ადამიანების ხმები.

„ეს ნამუშევარი ჩემთვის ძალიან პირადია — არა მხოლოდ როგორც ქართველისთვის, არამედ იმ ადამიანისთვის, რომლის ოჯახსაც მჭიდრო კავშირები ჰქონდა აფხაზეთთან. ჩვენც გვაქვს დევნილის სტატუსი,” — ამბობს მხატვარი.

2026 წელს ნაურუს პავილიონში სამი კურატორი 11 მხატვარს წარადგენს, მათგან ერთი ნაურუდანაა. გამოფენის თემები — იმპერიალიზმი, ეკოლოგიური კატასტროფები და დანაკარგები — სწორედ რეხვიაშვილის ნამუშევრის ძირითად მოტივებს ემთხვევა.