თბილისში პუშკინის სკვერში „რუსული ენის დაცვის” ღონისძიება გაიმართა — ალექსანდრე პუშკინის დაბადების დღის აღსანიშნავად. შეკრებას, სხვებთან ერთად, შვეიცარიის საელჩოს გავლით მოქმედი რუსეთის ინტერესების სექციის წარმომადგენელი ესწრებოდა და სიტყვითაც გამოვიდა.

„ მე ვიცავ რუსეთის ფედერაციის ინტერესებს საქართველოში შვეიცარიის საელჩოს დახმარებით. რუსეთ-შვეიცარიის შეთანხმების შესაბამისად, წარმოვადგენ რუსეთის ფედერაციის ინტერესს,” — განაცხადა მან ტვ პირველთან საუბარში. ოკუპაციის შესახებ კითხვებს დიპლომატი გაექცა.

ორი პოზიცია ერთ სკვერში

ღონისძიებაზე დამსწრეების ერთი ნაწილი ამბობდა: პუშკინი მსოფლიო კლასიკოსია და ოკუპაციის მიუხედავად, მის ბიოგრაფიასა და ლიტერატურას დავიწყება არ ეკუთვნის. „ქართული რესპუბლიკის” წევრები კი, საპირისპირო პოზიციით, ადგილზე ოკუპაციის წინააღმდეგ ბანერებით გამოცხადდნენ.

დაძაბულობის განმუხტვის მიზნით საპატრულო პოლიცია გამოიძახეს.