31 მაისს, შუადღისას, თბილისში, უნივერსიტეტის ქუჩაზე, ავტოავარიაში მიტანის სერვისის კურიერი გარდაიცვალა. მოპედზე მჯდომ კურიერს მანქანა შეეჯახა. შემთხვევის ადგილზე პოლიციის ჯგუფი მობილიზებული იყო.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

საქართველოში ავტოსაგზაო შემთხვევებში ყოველ წელს 400-ზე მეტი ადამიანი იღუპება და 10 000-მდე — მნიშვნელოვან დაზიანებებს იღებს.