ექვსწლიანი პაუზის შემდეგ, 2026 წლის 26 მაისს, საქართველოსა და აზერბაიჯანს შორის სარკინიგზო მიმოსვლა განახლდება. ამ ხაზზე მგზავრთა გადამყვანი შემადგენლობები ბოლოს 2019 წელს გაიარეს.

განრიგი

• ბაქოდან: გამგზავრება 23:10, თბილისში ჩამოსვლა 08:41;
• თბილისიდან: გამგზავრება 21:00, ბაქოში ჩამოსვლა 06:24.

მგზავრობის დროში გათვალისწინებულია ორსაათიანი საზღვრის გადაკვეთა — თითო საათი საქართველოსა და აზერბაიჯანის მხარეს.

გაჩერებები

საქართველოში მატარებელი გაჩერდება თბილისის ცენტრალურ სადგურზე და გარდაბანში. აზერბაიჯანში — ბოიუკ კესიკი, აღსტაფა, განჯა, ევლახი, ბილაჯარი და ბაქოს სადგური.

ბილეთის ფასი

აზერბაიჯანის რკინიგზის ცნობით, ბაქო-თბილისის ბილეთი 81 მანათი — დაახლოებით 128 ლარი — ეღირება. საქართველოს რკინიგზამ ბილეთების გაყიდვა ჯერ არ დაიწყო და დეტალებზეც არ საუბრობს.