30 ქვეყნის 5 000-ზე მეტ მონაწილეს შორის — ასე გაიმარჯვა მაროკოში გამართულ საერთაშორისო ჯირითის შეჯიბრებაში ქართველმა მხედარმა გოგონამ, თათული ვაჭაძემ.

„როდესაც გავიგე, რომ ერთ-ერთი გამარჯვებული ვიყავი, თავიდან ეს ყველაფერი ვერც კი გავიაზრე. გულის სიღრმეში ყოველთვის მჯეროდა, რომ ამირჩევდნენ, თუმცა ამის ხმამაღლა თქმა მეშინოდა,” — ამბობს ვაჭაძე.

თათული თბილისში დაიბადა და გაიზარდა, ფესვებით კი ამბროლაურის რაიონს, სოფელ ქედისუბანს უკავშირდება. საქართველო მისი სიტყვებით ყველგან თან დაჰყვება — თუნდაც მაშინ, როდესაც ცხოვრება სხვა ქვეყანაში გრძელდება. 2008 წელს თბილისის თავისუფალ უნივერსიტეტში ჩააბარა, შემდეგ კი სამეცნიერო საქმიანობა სხვა ქვეყანაში გააგრძელა.

ჯირითობა ცხოვრებაში შედარებით გვიან გაჩნდა — სულ მხოლოდ წელიწადნახევრის წინ. „მამა ახალგაზრდობაში ჯირითობდა და ყოველთვის მეუბნებოდა: ერთხელ რომ დაჯდები ცხენზე, მოიწამლები მათი სიყვარულით,” — იხსენებს თათული. ასეც მოხდა: პირველი კონტაქტი ცხენებთან ბუნებრივი გამოდგა, თითქოს ეს კავშირი ყოველთვის არსებობდა.

მაროკოს გამარჯვებამ საქართველოს დროშა ისეთ ასპარეზზე ააღმართა, სადაც ის ბოლო ათწლეულებია ჩანდა.