თბილისის აეროპორტში FBI-ს ძებნილი ტატიანა კურაშკევიჩი დააკავეს. მას ამერიკის სანქციების გვერდის ავლა ედავება — კერძოდ, თვითმფრინავის სათადარიგო ნაწილების, რომლებიც სანქციებამდე ამერიკიდან შეიძინებოდა, რუსეთში ექსპორტი.

ადვოკატი ბექა ნემსიწვერიძე, რომელმაც ქალი სასამართლო სხდომამდე მოინახულა, „რადიო თავისუფლებას” ეუბნება: „საქართველოში ტურისტული მიზნით ჩამოვიდა და მოულოდნელად დააკავეს. არ იცოდა, რომ ძებნა იყო გამოცხადებული.”

ადვოკატის თქმით, კურაშკევიჩი გამოფენებზე ამ თემაზე დადიოდა და თვითმფრინავის ნაწილების ბიზნესსაქმიანობით კარგა ხანია დაკავებულია.

შინაგან საქმეთა სამინისტრომ ბრალდება ზოგადად ჩამოაყალიბა: „FBI-ს მოთხოვნის საფუძველზე იძებნებოდა დანაშაულებრივი საქმიანობის ხელშეწყობისა და თანამონაწილეობის, დანაშაულებრივი შეთქმულებისა და ფულის გათეთრების ბრალდებებით.”

კურაშკევიჩის ვინაობა გახმაურდა, მას შემდეგ, რაც რუსეთის ადამიანის უფლებათა საბჭოს წევრმა ევა მერკაჩვამ ტელეგრამზე წერა. მერკაჩვას თქმით, კურაშკევიჩი რუსეთის საგარეო სამინისტროს დიპლომატიური აკადემიის ასპირანტია; ბრალდებების შემთხვევაში 70 წლამდე პატიმრობა ემუქრება.

ეს FBI-ს ძებნილი პირის საქართველოში დაკავების ერთ-ერთი იშვიათი შემთხვევაა. ბოლო მსგავსი ინციდენტი 2024 წლის იანვარს დათარიღდება.