ევროპის ტანმოვარჯიშეთა კავშირის აღმასრულებელი კომიტეტმა გადაწყვიტა, მოეხსნა შეზღუდვები რუსეთისა და ბელარუსის სპორტსმენებისთვის. გადაწყვეტილება კავშირის ვებსაიტზეა გამოქვეყნებული.

ნაბიჯი World Gymnastics-ის გადაწყვეტილებას მოჰყვა — საერთაშორისო ორგანიზაციამ რუს ტანვარჯიშეებს სახელმწიფო დროშითა და ჰიმნით საერთაშორისო შეჯიბრებებზე გამოსვლის უფლება მიანიჭა.

27 მაისს ბულგარეთში მხატვრული ტანვარჯიშის ევროპის ჩემპიონატი იწყება — სადაც ახლა რუსი სპორტსმენებიც შეასპარეზებენ.

შეზღუდვები 2022 წლის 28 თებერვალს და 2023 წლის 28 მარტს შემოიღეს — უკრაინაში რუსეთის სრულმასშტაბიანი შეჭრისა და ამ შეჭრაში ბელარუსის ლიდერ ლუკაშენკოს მხარდაჭერის გამო. საერთაშორისო ოლიმპიური კომიტეტის 7 მაისის გადაწყვეტილებით ეს შეზღუდვები გაუქმდა.

უკრაინის ეროვნული ოლიმპიური კომიტეტი „კატეგორიული პროტესტს” გამოხატავს. კიევი მიუთითებს, რომ ბელარუსი რუსეთის აგრესიას მხარს კვლავ უჭერს.