10 ივნისს ტაივანის არმიამ ჩინეთის მიმართულებით ამერიკული HIMARS-ის სარაკეტო სისტემები გამოცადა, რისი მიზანიც, ერთი მხრივ, ძალისა და სიმტკიცის დემონსტრირება, ხოლო, მეორე მხრივ, ჩინეთის მხრიდან შესაძლო თავდასხმის მოგერიების უნარების ჩვენება იყო. 

ტაივანს HIMARS-ები წარსულშიც ჰქონდა გამოცდილი, თუმცა, წლევანდელი წვრთნები პირველი შემთხვევა იყო, როცა რაკეტები ტაივანის სრუტის მიმართულებით გაუშვეს, რომელიც ტაივანს ჩინეთისგან აცალკევებს. 

“მტრის სახით არსებული საფრთხიდან გამომდინარე, ჩვენ ურყევი სიმტკიცით გავაგრძელებთ HIMARS-ებით წვრთნებს, რათა, როგორც ქვეყნის ყველაზე ძლიერმა ძალებმა, ტაივანი დავიცვათ.” – განაცხადა ტაივანის არმიის სერჟანტმა, ვანგ მინგ ხუეიმ. 

მოგვიანებით ტაივანის ეროვნული თავდაცვის სამინისტრომ HIMARS-ების გამოცდის ვიდეოც გაავრცელა:

No soundtrack.Just the sounds of the field.And everything else.#ROCArmedForces#TOW #RT2000 #HIMARS pic.twitter.com/qMN2FpArX3— 國防部 Ministry of National Defense, ROC(Taiwan) 🇹🇼 (@MoNDefense) June 11, 2026 გამოცდის ფარგლებში ტაივანის არმიამ HIMARS-ის სისტემის მეშვეობით 32 რაკეტა გაუშვა დასავლეთ სანაპიროს მიმართულებით, რომელიც, თავდასხმის შემთხვევაში, ჩინური ძალების პოტენციურ სადესანტო წერტილად ითვლება.