ტაივანმა ოფიციალურად მოუწოდა აშშ-ს, დაამტკიცოს 14 მილიარდი დოლარის ღირებულების სამხედრო აღჭურვილობის მიწოდების გარიგება. ამის თაობაზე 16 მაისს განაცხადა ტაივანის საგარეო სამინისტრის მოადგილემ, ჩენ მინ-ციმ.

„ტაივანისთვის აშშ-ის შეიარაღების მიყიდვა ყოველთვის იყო რეგიონში მშვიდობისა და სტაბილურობის ქვაკუთხედი და ის აშშ-ის კანონმდებლობაშია ჩადებული,” — განაცხადა ჩენ მინ-ცი Reuters-თან.

პრობლემა ჩნდება 14 მაისის შემდეგ, როდესაც ტრამპი პეკინში სი ძინპინს შეხვდა. შეხვედრის შემდეგ ჟურნალისტებთან ტრამპმა თქვა, რომ ჯერ „არ გადაუწყვეტია” ტაივანისთვის იარაღის მიყიდვა. სახელმწიფო მდივანმა მარკო რუბიომ კი განმარტა, რომ ეს საკითხი „პეკინის მოლაპარაკებების ძირითადი თემა არ ყოფილა”.

ტაიპეი გამოთქვამს, რომ გააგრძელებს ვაშინგტონთან ურთიერთობას, „ჭეშმარიტი მნიშვნელობის” გასაგებად. ტაივანისთვის იარაღის მიწოდება წლების განმავლობაში ხორციელდება Taiwan Relations Act-ის საფუძველზე. 2025 წლის დეკემბერში ტრამპის ადმინისტრაციამ 11 მილიარდი დოლარის შეიარაღების პაკეტი დაამტკიცა.