სახელმწიფო უსაფრთხოების სამსახურის ანტიკორუფციული სააგენტოს თანამშრომელი ხაშურში საკუთარ ავტომანქანაში ცეცხლსასროლი იარაღით მიყენებული ჭრილობით გარდაცვლილი იპოვეს. საქართველოს პროკურატურამ გამოძიება სისხლის სამართლის კოდექსის 115-ე მუხლით — „თვითმკვლელობამდე მიყვანა” — დაიწყო.

პროკურატურამ 23 მაისს, გარდაცვლილის ვინაობის გამხელის გარეშე, განაცხადა: „მიმდინარეობს შესაბამისი გადაუდებელი საგამოძიებო მოქმედებები.”

სუს-მა „ღრმა მწუხარება” გამოხატა და გარდაცვლილი სააგენტოს „გამორჩეულ, ღირსეულ და პროფესიონალ თანამშრომლად” დაახასიათა. სამსახური დაღუპულის ოჯახსა და ახლობლებს გამოეხმაურა.