სახელმწიფო უსაფრთხოების სამსახურის ანტიკორუფციული სააგენტოს თანამშრომელი 23 მაისს ხაშურში, ტაბიძის ქუჩაზე, საკუთარ ავტომანქანაში, სამსახურებრივი ცეცხლსასროლი იარაღით მიყენებული ჭრილობით გარდაცვლილი იპოვეს.

შიდა ქართლისა და მცხეთა-მთიანეთის საოლქო პროკურატურის საგამოძიებო სამმართველომ გამოძიება სისხლის სამართლის კოდექსის 115-ე მუხლით დაიწყო. ეს მუხლი „სიცოცხლის მოსპობამდე მიყვანას” — სხვისი სიცოცხლის ხელყოფის გზით სუიციდამდე მიყვანას — ითვალისწინებს. „მიმდინარეობს შესაბამისი გადაუდებელი საგამოძიებო მოქმედებები,” — ნათქვამია პროკურატურის განცხადებაში.

სუს-მა გარდაცვლილ კოლეგას სამძიმარი გამოუცხადა: „საქართველოს სახელმწიფო უსაფრთხოების სამსახური ღრმა მწუხარებას გამოთქვამს ანტიკორუფციული სააგენტოს გამორჩეული, ღირსეული და პროფესიონალი თანამშრომლის გარდაცვალების გამო, უსამძიმრებს დაღუპულის ოჯახსა და ახლობლებს. მისი გარდაცვალება უდიდესი ტრაგედია და დანაკლისია ჩვენთვის და ჩვენი სამსახურისთვის.”