საერთაშორისო სავალუტო ფონდის (სსფ) აღმასრულებელმა საბჭომ განაცხადა, რომ „გლობალური გამოწვევების” მიუხედავად, საქართველოს მაკროეკონომიკური მდგომარეობა და ეკონომიკური ზრდა „მყარია”. 10 ივნისს გამოქვეყნებული ანგარიშის მიხედვით, რეალური მშპ 2025 წელს 7.5%-ით გაიზარდა და 2026 წლის დასაწყისშიც მდგრადი ზრდა შენარჩუნდა.

სსფ 2026 წლისთვის საქართველოს ეკონომიკის 6.5%-ით ზრდას პროგნოზირებს. ინფლაციამ ენერგოტარებელთა ფასების ზრდის გამო სამიზნე მაჩვენებელს გადააჭარბა და 2026 წლის აპრილში 5.9%-ს მიაღწია.

დადებით ფაქტორებს შორის სსფ ასახელებს გაძლიერებულ ფისკალურ და საგარეო ბუფერებს: საერთაშორისო რეზერვები ფონდის მიერ განსაზღვრული ადეკვატურობის ზღვარს მიაღწია, ხოლო სახელმწიფო ვალი მშპ-ის 35%-ზე ქვემოთ დაეცა.

საბჭო ეროვნულ ბანკს უმოწოდებს, მონეტარული პოლიტიკა „სათანადოდ მკაცრი” შეინარჩუნოს, ხოლო საერთაშორისო რეზერვების შევსება გააგრძელოს. ძირითადი სარეკომენდაციო სფეროა ეროვნული ბანკის მმართველობის გაძლიერება — „საერთაშორისო საუკეთესო პრაქტიკის შესაბამისად, ინსტიტუციური სანდოობის ამაღლების” მიზნით.