სოციალური სასურსათო კალათის პროგრამა, რომელიც ადრე მხოლოდ შეზღუდულ სავაჭრო ობიექტებში მოქმედებდა, სუპერმარქეტების ქსელებს გაეფართოვდა. „ნიკორა” სხვა მსხვილ ქსელებთან ერთად პროგრამაში ჩაერთო.

პროგრამა სოციალური დახმარების მიმღებ ოჯახებს საბაზო სასურსათო პროდუქტებს შეღავათიან ფასად სთავაზობს. გაფართოება ნიშნავს, რომ ბენეფიციარებს პროდუქტების შეძენა აღარ მოუწევთ მხოლოდ სპეციალიზებულ მაღაზიებში — ჩვეულებრივ სუპერმარქეტშიც შეძლებენ.

მთავრობის ცნობით, ამ ეტაპზე პროგრამაში ასზე მეტი სავაჭრო ობიექტია ჩართული. გეგმის მიხედვით, 2026 წლის ბოლომდე ქსელი კიდევ უფრო გაფართოვდება და რეგიონებსაც მოიცავს.