სომხეთის ცენტრალური საარჩევნო კომისიის წინასწარი მონაცემებით, 7 ივნისის საპარლამენტო არჩევნებში ამომრჩეველთა 58,97% — სულ 1 476 597 ადამიანი — მივიდა საარჩევნო უბნებზე. ეს 2021 წლის ვადამდელი არჩევნების 49,4%-ზე მნიშვნელოვნად მაღალია. მმართველმა „სამოქალაქო შეთანხმებამ” ნიკოლ ფაშინიანის ხელმძღვანელობით გაიმარჯვა.

საქართველოს მეხუთე პრეზიდენტმა სალომე ზურაბიშვილმა შედეგების გამოქვეყნებამდე ფაშინიანს გაუმარჯვა:

„გულითადად ვულოცავ ნიკოლ ფაშინიანს! დღეს სომხეთმა მტკიცედ აირჩია თავისუფალი, დამოუკიდებელი და ევროპული მომავალი. ეს ისტორიული არჩევანი აძლიერებს დემოკრატიას და ამყარებს ჩვენი რეგიონის ადგილს ევროპულ სახელმწიფოთა ოჯახში. ქართველი ხალხი სრულ სოლიდარობას გიცხადებთ!”

არჩევნების ძირითადი მოთამაშეები

სომხეთის 9-ე მოწვევის პარლამენტში 18 პოლიტიკური ძალა — 16 პარტია და 2 ალიანსი — ებრძოდა. ხმის მიცემის უფლება ჰქონდა 2 485 851 მოქალაქეს. პარლამენტში მოსახვედრი ბარიერი პარტიებისთვის 4%, ბლოკებისთვის — 8%.

მმართველი „სამოქალაქო შეთანხმება” ევროკავშირთან დაახლოებასა და დასავლურ ორიენტაციას ეფუძნება. მთავარი ოპოზიციური ძალები პრორუსული ორიენტაციისაა: „სომხეთის ალიანსი” ყოფილი პრეზიდენტის რობერტ ქოჩარიანის ხელმძღვანელობით; „ძლიერი სომხეთი” — მოსკოვში მოღვაწე მილიარდერ სამველ კარაპეტიანის ზურგით; „აყვავებული სომხეთი” — ბიზნესმენ გაგიკ წარუკიანის პარტია.