8 ივნისის სომხეთის საპარლამენტო არჩევნებში ნიკოლ ფაშინიანის მოძრაობამ „სამოქალაქო კონტრაქტი” ხმების 49,82% მოიპოვა, რაც 105-წევრიან პარლამენტში 64 მანდატს ნიშნავს. ეს საკმარისია მთავრობის დამოუკიდებლად ჩამოყალიბებისთვის; საკონსტიტუციო უმრავლესობამდე 6 მანდატი კი კვლავ აკლია.

მოსკოვის მხარდაჭერილ ძალებს ჯამში 41 მანდატი ერგო: სამველ კარაპეტიანის „ძლიერი სომხეთი” 29 ადგილს დაიკავებს, რობერტ ქოჩარიანის „სომხეთი” კი — 12-ს. მესამე ოპოზიციური ძალა ბარიერის გადასასვლელად სულ 0,004%-ს ახდა.

ფაშინიანი ევროკავშირის კურსს ადასტურებს

გამარჯვების შემდეგ ფაშინიანმა განაცხადა: „სომხეთის მომავალი იქნება — დამოუკიდებლობის, სახელმწიფოებრიობის, დემოკრატიის, კანონის უზენაესობის გაძლიერების სტრატეგია… ევროკავშირი ჩვენი მთავარი პარტნიორია დემოკრატიული რეფორმების განხორციელების მიმართულებით.”

ფაშინიანის წინასაარჩევნო დაპირებით, სომხეთის მოქალაქეები ევროკავშირში უვიზოდ 2 წელიწადში მოგზაურობას შეძლებენ — ევროკომისიამ სავიზო ლიბერალიზაციის სამოქმედო გეგმა ქვეყანას 2025 წლის ნოემბერში გადასცა.

ევროკომისიის პრეზიდენტმა ურზულა ფონ დერ ლაიენმა X-ზე დაწერა: „ჩვენ ღრმად ვაფასებთ ჩვენს პარტნიორობას დემოკრატიულ სომხეთთან, რომელიც სულ უფრო მეტად უახლოვდება ევროპას.” ევროპული საბჭოს პრეზიდენტმა ანტონიო კოშტამ კი განაცხადა, რომ „სომეხმა ხალხმა ხმა მისცა მომავალს, რომელიც ეფუძნება მშვიდობასა და სტაბილურობას.”